-
DAK "UZPHARMSANOAT" bu:
- Original preparatlar
- Sifat kafolati
- Salomatlikni himoyachisi
- Ishonchli hamkor
Konsern haqida
“O`zfarmsanoat” farmatsevtika sanoati Davlat-aksiyadorlik konserni O`zbekiston Respublikasi Prezidentining 1993 yil 2 iyundagi PQ-609-sonli Farmoni asosida 1993 yilda tashkil etilgan.
Bugungi kunda Konsern:
- tarkibi 44 ta korxona va tashkilotlardan iborat ( ulardan 3 - chet ellik korxona, 5 - qo`shma korxona, eksport-import firmalar, ilmiy-tadqiqot institutlar) rivojlangan farmatsevtika sanoati;
- buyuk Britaniya, Germaniya, Ispaniya, Chexiya, Xindiston, Turkiya, Eron, Shveysariya, MDH mamlakatlarining farmatsevtika firmalari bilan sherikchilik va ishbilarmon munosabatlar;
- o`zbekiston farmatsevtika sanoatiga real investitsiyalar;
- xar yilda deyarli oshayotgan ishlab chiqarish hajmlari;
- zamonaviy talablar darajasida ishlab chiqarishni ta’minlaydigan sanoat va ilmiy bazasi;
- tabletka, kapsula, ampula, infuzion eritma, nastoyka, ekstrakt, qiyom, bal’zam, vaksina, zardoblar, normoflora preparatlari ko`rinishidagi dori vositalarni ommaviy ishlab chiqarishi;
- bog`lash materiallari, tibbiy gigroskopik momiqni ishlab chiqarish;
- tibbiy shisha va polietilen idishlarni ishlab chiqarish;
- tibbiy ampulalarni ishlab chiqarish;
- dorivor o`simliklarni sanoat sharoitida yetishtirish va qayta ishlash.
Soxa faoliyati va rivojlanishining asosiy yo`nalishlari:
- farmatsevtika mahsuloti va tibbiy ehtiyojdagi buyumlarni ishlab chiqish bo`yicha yangi korxonalarni barpo etish va amalda faoliyat ko`rsatayotgan ishlab chiqarish korxonalarni modernizatsiya qilish;
- respublika sog`liqni saqlash tizimi talablarini qondirish va eksport uchun dori vositalarni turlari va hajmi bo`yicha ishlab chiqarishini kengaytirish;
- maksimal ravishda mahalliy xom ashe resurslaridan, shu jumladan o`simlik dorivor xom ashyodan foydalanish;
- kam tonnajli substansiyalar va boshqa faol moddalarni ishlab chiqish, ularni ishlab chiqarishini tashkil etish;
- zamonaviy asbob-uskunalar bilan jixozlangan ixtisoslashtirilgan korxonalarni tashkil etish;
- farmatsevtika va boshqa korxonalar uchun yordamchi mahsulot va materiallarni ishlab chiqish;
- mahsulot sifatini xalqaro standartlar darajasida ta’minlash.
O`zbekiston farmatsevtika sanoatining rivojlanishiga ilmiy muassasalar o`zining salmoqli ulushini qo`shmoqdalar. Konsern tarkibida 3 ta ilmiy-tadkiqot institut o`z faoliyatini yuritmoqda. Ularda kime sintezi hamda mahalliy o`simlik, mineral, biologik xom ashyodan foydalanish asosida preparatlarni ishlab chiqarish sanoat texnologiyalarini qidiruvi va ishlab chiqishi, shuningdek ishlab chiqarisha joriy etish bilan 6 nafar fan doktori, 25 nafar fan nomzodlari, 100 dan ziyod ilmiy xodimlar shug`ullanmoqda.
Dori darmonlar 70 ta farmakoterapevtik guruhlar bo`yicha15 tadan ortiq dorivor shakllarda ishlab chiqariladi.
Sanoat mahsulotini ishlab chiqarish hajmi 2007 yilda 51,1 mlrd.so`mni tashkil etdi, o`sish sur’ati 2006 yilga nisbatan 137,4% tashkil etdi.
2008 yilning 1-yarim yilligida dori vositalari va tibbiy ehtiyojdagi buyumlarni ishlab chiqarish hajmi 31,7 mlrd.so’mni tashkil etdi, o’sish sur’ati 2007 yilning ushbu davriga nisbatan 111,8% tashkil etdi.
Konsеrn korxonalarida 2008 yilda simеkar, tab. (gipoxolistеrik vosita), lеfloks, tab. (antibaktеrial vosita), mеlbеk tab. (nostеroidli yallig’lanishga qarshi vosita), sеfotaksim, sеfuroksim, sеftriakson (sеfallosporin qatorining antibiotiklari) va boshqalar kabi 12 nomdagi (17 pozitsiya) yangi prеparatlar joriy etildi.
Mahsulotning ham turlari, ham hajmi bo`yicha o`sishi sog`liqni saqlash muassasalari va respublika aholisining xayotiy-muhim dori vositalariga bo`lgan talabini qondirish darajasini oshirish imkonini beradi.
Mahsulot turlarining kengayishi, xalqaro talablarga mos sifat ko`rsatkichlari eksport hajmini oshirish imkonini berdi. 2007 yilda eksport hajmi 16254,8 ming AQSh dollarini tashkil etdi. 2008 yilda eksportga ishlab chiqarish umumiy hajmidan 7,87 mln. AQSh dollarlik mahsulot orttirildi (o’sish sur’ati 102,2%).
Korxonalarnig mahsuloti Kozog`iston, Qirg`iziston, Tojikiston, Turkmaniston, Afg`oniston, Rossiya, Ozarbayjon, Armaniston, Gruziya, Turkiya va boshqa mamlakatlarga eksport qilinmoqda.
“O`zfarmsanoat” DAK korxonalarining moliyaviy-xo`jalik faoliyatini ko`rsatkichlari o`sishining omillari - Respublika Hukumati va Rahbariyati tomonidan sohani rivojlantirishda to`g`ri tanlangan strategiyasi va qo`llab quvvatlashidir.
Bunga O`zbekiston Respublikasi Prezidentining 2006 yil 14 iyuldagi “Dori vositalari va tibbiy maqsaddagi buyumlarni ishlab chiqaradigan mamlakatimizning korxonalarini qo`llab-quvvatlash chora-tadbirlari to`g`risida”gi Pq-416-sonli qarori, Respublika Bosh vaziri tomonidan 2006 yil 11 avgustda tasdiqlangan “Farmatsevtika sanoati faoliyatini takomillashtirish va rivojlantirish bo`yicha birincha navbatda amalga oshirilishi lozim bo`lgan chora-tadbirlar kompleksi”, Xukumat tomonidan ma’qullangan “Dori vositalari va tibbiyot mahsulotlar tayyorlanishida zarur bo`lgan xom ashyo va materiallarni ishlab chiqarish kompleks dasturi”, O`zbekiston Respublikasi Prezidentining 2007 yil 19 noyabrdagi “2011 yilgacha bo`lgan davrda farmatsevtika tarmog`i korxonalarini modernizatsiya qilish, texnikaviy va texnologik qayta jixozlash dasturi to`g`risida”gi PQ-731-son qarori va boshqa hujjatlar misol bo`ladi.
O'zgarish sanasi: 25.05.2010